相隔8000公里的愛:放棄譚仔的三家姐

By , 01月26日

人在外地,你最想念香港的是甚麼呢?茶餐廳?7-11?還是煎釀三寶?因為愛情,讓她放棄香港的生活、最愛的譚仔三哥米線,孤身隻影飛到世界另一邊:瑞典跟愛人一起生活。三家姐於自己的網誌為何斯德哥爾摩沒有譚仔三哥)分享一個港女於北歐的生活,憑她的跳脫及率真的言論、新奇有趣的北歐生活分享,在短短一年間成為網絡紅人。她跟男友(程仔)的愛情故事讓人津津樂道,check in趁住情人節,邀請她分享這段相隔8000公里的戀愛及指點一眾Long d朋友的迷津。
11017817_1622216121325765_8356947195758622546_o

C: trivago magazine; 三:三家姐

C:可簡單介紹一下你的情人如何認識、一起多久等等嗎?
三:我同程仔拍左幾年拖,現居世界盡頭—瑞典首都斯德哥爾摩

12243426_1673236999557010_8333001141787266742_n

滿有稚氣的三家姐,跟程仔在巴士上扮「揸巴士」。

C:有說二人一起經歷、一起旅行可讓感情昇華,你認同嗎?
三:絕對認同。拍拖期間應該盡量去旅行,多D建立兩個人既共同回憶。向好果方面諗係兩個人去多D旅行,一齊經歷既野多左,彼此之間會建立更加深厚既感情;衰果方面諗,第時就算佢溝第條女,去番果D地方都會諗起你。加上而家香港買樓咁貴,負擔唔到自己搬出黎住既小情侶,可以趁旅行好好享受下二人世界


香港買樓咁貴,負擔唔到搬出黎住既小情侶,可趁旅行享受二人世界。


C:你跟程仔去旅行,如碰到意見不合,要如何處理?
三:基本上次次同佢去親旅行,我都係毫無準備加上零意見的,就等佢安排曬所有行程當然都會有我唔太享受既行程,但食得鹹魚抵得渴,要做懶人就要忍氣吞聲一下。不過謝天謝地,至今佢所安排既旅程都好有趣。

edit17

C:跟程仔去過最浪漫的地方是哪裏?
三:我差D想答求婚之旅Paris …… 不過講真,其實同佢去邊都好浪漫。如果一定要講,最浪漫其實反而係番香港果次。我帶左佢去我細個長大既地方、帶佢番新界、帶佢去我婆婆屋企一齊煮飯比老人家食。果次對我黎講意義好重大,諗起都眼濕濕。


拍拖應多去旅行,一齊經歷多左,彼此間會建立更加深厚感情;就算第時佢識第二個,去番果D地方都會諗起你。


C:可分享到過最貼心的酒店嗎?那次經歷有否讓二人的關製造美好的回憶?
三:最貼心既酒店應該係係意大利既一條小村落裡面。說不上很豪華,可是佢地D洗頭水好香,又有得係花園裡面食早餐。

5 3

C:跟情人外遊,有甚麼是必定要留意的(如有甚麼必需帶/有甚麼話不可以亂說等等)?
三:要小心荷包啦,唔見証件財物真係令人好愁的。仲有呀,就算見到靚仔靚女都唔好張揚,唔好大驚小怪,要顧及另一半感受。要記住,身邊的人才是最重要的。


就算見到靚仔靚女都唔好張揚、大驚小怪,要顧及另一半感受。要記住,身邊的人才是最重要的。


C:未來有沒有甚麼地方想跟程仔一起去?為甚麼?
三:有呀,好多好多,成個亞洲好多地方都未去過。我要比佢知就算係亞洲,都唔係條條女好似我咁靚的。講笑咋!其實唔止亞洲,我要同佢遊歷全世界。

4 12289690_1674737392740304_8420003625570996474_nC:在這個情人節,最想跟程仔分享的是?
三:唔好講咁多,拿拿林娶我過門啦。(vänligen få gifta sig med mig snabbare)(trivago magazine幫你一把,嘗試用偉大的google translate轉成瑞典文!)

C:有沒有tips給正在long d的人?如要面對long d,你又有甚麼方法去排解傷心/寂莫呢?
三: Long D是痛苦的。沒有肉體接觸已經慘,仲分分鐘可能要suffer埋時差。最直接既方法就係搬過去一齊住,好似我咁;如果唔得,最緊要比個共同目標比大家,唔好無止境咁Long落去。


Long D是痛苦的。最直接既方法就係搬過去一齊住;如果唔得,最緊要比個共同目標比大家,唔好無止境咁Long落去。


C:你跟程仔有沒有因文化差異而搞出笑話?如大家來不同文化,要如何去溝通呢?
三:我黎左瑞典之後,都飲多左好多酒,而家酒量超好;佢就跟埋我成日講廣東話粗口囉。上次見我屋企人,佢本身想show off番兩句廣東話,不過發現自己所有識既都係粗口,最後都係乖乖地講英文算。鐘唔鐘意對方既文化都好,最重要係尊重啦。

hugging edit noodleedit

 


11214111_1674444829436227_2523678181854539860_n三家姐簡介:

一名乾物女,過氣空姐,由北區到北歐,實惠變ikea,譚仔三哥變肉丸的所見所聞。
千里迢迢,All because of love.
Facebook 專頁:為何斯德哥爾摩沒有譚仔三哥