香港

壓力爆煲!中環OL逃出香港 豪歎做Spa

By , 03月04日

你係一個中環OL,每朝7點爬起身洗頭、化妝、著上既黑色套裝就去同人迫地鐵。點知地鐵服務受阻,搞到你遲左2分鐘打咭。返到個位櫈都未坐暖,老闆就叫左你入房照肺。放飯時間因為茶記太多人搵唔到位被迫要食$150一個高級set lunch。有兩個同事射波,搞到你要做埋佢地果份,本身約左男朋友七點睇戲,點知OT 到九點半。搞到男朋睇唔到Wonder Woman,佢嬲左你,而你去到快餐店想頹食個飯點知乜都賣晒。

呢一刻,你問自己:「點解我做奴仔做得咁辛苦?我既人生有咩意義?」

你決定要對自己好D,一向鐘意去旅行既你打開trivago app,睇下有咩酒店可你身心都黎個大解放,比你睇到水療酒店呢個選項,S-P-A三個字就係你腦中揮之不去!好!拿拿臨What’s app老闆即日請AL,揀間最豪既酒店做Spa,逃離香港。
pool-swimming-swimming-pool-relaxing-relaxation2


即日來回(Sick Leave一天)

CONRAD Macao, Cotai Central

 話就話即日請(病)假,但又唔敢走太遠。近近地澳門都有世界頂尖的水療。CONRAD Macao, Cotai Central連續多年穫得World Luxury Hotel Spa Award的獎項,菩提水療Bodhi Spa是即日來回最佳之選。一踏入水療中心,有專人會因你的需要,提供不同的複方精油同療程。

選好為你度身定造的精油和療程後,就可到私人水療室享受。服務由護理、按摩、身體磨砂浸浴等都有,想整埋指甲、染頭髮同脫毛都仲得。Bodhi Spa採用的產品件件都是名牌:如的英國皇室御用的Aromatherapy Associates、法國的Thalgo等,你可以放心用。


三日兩夜(星期五Sick Leave)

The Peninsula, Bangkok

點都要搭返轉先算去過旅行,不如一試曼谷半島酒店的Spa。療程有許多不同的選擇:如身體按摩、Facial、泰式按摩等。

想氹返男朋友,請埋佢一齊去做Spa咪得囉!一邊同男友一齊做Spa,一邊睇住湄南河風景,咩隔夜仇都唔記得啦!酒店水療環境清幽,參與水療的住客均要「熄機」,到時同事、老闆搵你唔到都有藉口啦!


與世隔絕(星期一Sick Leave)

Fivelements Puri Ahimsa, Malaysia

 日日係中環返工又迫又嘈,放假想係安靜的大自然好好休息下。去只有9間房的峇里烏布(Ubud) Fivelements Puri Ahimsa Resort,即可在佈滿樹木的竹林間天人合一。背山面河(阿勇河),聽到淙淙的瀑布聲,置身於寧靜又怡人的環境,真係可以令你忘記你公司入面d牛鬼蛇神。

睇睇meau, Chocolate Love?用食得既朱古力杏仁幫身體磨砂,然後按摩師為會在你身上塗上可可油,配合按摩,即可令皮膚更有光澤,做完成身香噴噴。


奢華豪歎(一星期大假/炒老闆)

51 Buckingham Gate Taj Suites and Residences, London

一係唔玩,一玩就玩到盡!搭程12個鐘既直航機去倫敦,一落機攰攰地,最好就係51 Buckingham Gate Taj Suites and Residences, London做返個按摩。平時捱到殘,等酒店專業人員同你詳談完用之後做番個度身訂造嘅療程,再唔係用摩洛哥黑皂潤一潤個人,upgrade完個body ,就連個soul 都upgrade 埋。


另類體驗(一星期大假/炒老闆)

The Fairmont Kea Lani,Hawaii


人類為左做Spa可以去到幾盡?呢一刻你只想去一個平時冇乜理由會想去既地方,不如就搭12個鐘頭機到夏威夷啦!除左果仁同草裙舞,其實夏威夷既傳統Spa都好出名。The Fairmont Kea Lani酒店內的Willow Stream Spa就可以試到。一試酒店提供的Hawaiian Pa’akai(夏威夷文海鹽的意思) 療程,用由富有超過80種礦物的夏威夷海鹽、配合有機椰子油、檸檬草配合而成的特製精油按摩。

死拉埋男朋友黎,參加Honeymooner in Maui療程,二人齊齊排排訓住做按摩同facial,靚住sweet就係咁簡單!相信佢一定唔會再因為睇唔到Batman而發你脾氣。

後記:你仲FF緊?心動不如行動啦!十五十六唔知好唔好即日請AL?trivago magazine記者都試過即日請AL,你見我埋仲係度寫緊篇文冇比人炒,就知道無問題啦!一生人只可以活一次,搵到自己想做既野就去做!要記住,公司冇左你唔會死,但你可以為左份工而忙死!仲諗?快d打電話去預約做Spa啦,去到無位就喊出黎都無謂啦!